Падзеі і факты
ПРЭЗЭНТАЦЫЯ
30 –га кастрычніка ў Беларускім Цэнтры ў Саўт-Рывэры (ЗША) адбылася прэзэнтацыя кнігі доктара Юры Гарбінскага “Мікалай Лапіцкі ў служэньні Богу і Беларусі” выдадзенай БІНІМ. Гэта збор працаў, лістоў і дасьледваньняў (672 стар.) вядомага беларускага праваслаўнага дзеяча аўтакефальнайцарквы протапрэсьвітэра М. Лапіцкага (1907—1976).
У сваіх працах М. Лапіцкі наглядна і доказна паказаў як руская праваслаўная царква выконвала русіфікацыйную палітычную функцыю Масквы на Беларусі. Маскоўскае праваслаўе сілкомі ў абход усіх нормаў права скарыстала акупацыю Беларусі і парвала кананічную сувязь беларускага (літоўскага) праваслаўя з грэчаскім Канстантынопалем. Рускае праваслаўе разам з маскоўскай ардой захапіла беларускую кананічную тэрыторыю ў ВКЛ. Расейская царква ўвесь час праводзіла на Беларусі жорсткую і лжывую русіфікатарскую палітыку, старалася зьвязаць духоўнае існаваньне Беларусі з дэспатычнай Расеяй. Але тым часам, як паказаў М. Лапіцкі, рускае праваслаўе і цяперашняя РПЦёсьць, фактычна, нелегальная (нелегітымная) царква на Беларусі. Ніякага права на існаваньне тут, на беларускай зямлі, яна ня мае.
На прэзэнтацыі выступаў доктар Юры Гарбінскі, кіраўнік БНІМ Вітаўт Кіпель, кіраўнік БАЗА Антон Шукелойць, і інш., сваякі і сябры айца Лапіцкага.
30 кастрычніка 2005 г.
Тамаш РАКСА
30 кастрычніка 2005
